Coaching-a esperientzia gisa definitzea gustatzen zait. Esperientzia honetan, zure helburua lortzeko behar dituzun ezagutzak eta trebetasunak eskuratzeko bide batean murgilduko zara. Gertaera jakin batean lortutako bizipenen bidez lortzen den ezagutza da esperientzia; beraz, esan dezakegu pertsona bakoitzak bere esperientziak ditueta eta modu pertsonal eta bakarrean bizi dituela. Edozein bide hasi baino lehen, norantz joan nahi duzun, hasi nahi duzula, zauden lekutik mugitu nahi duzula pentsatzen duzu. Nire egitekoa, coach gisa, bide horretan laguntzea izango da, helburuak aurkitzen, definitzen eta lortzen.

Esperientzia berria ondo prestatzeko, bidearen geralekuak aztertuko ditugu; gizaki moduan gure gainean ideia, aurreiritzi, sinismen eta beldurrez beteriko motxila daramagu. Zer uzten duzun eta zer daramazun, zer duzun soberan eta zer falta zaizun erabakiko duzu, zure esperientzia errazagoa egiteko. Bidean aurrera egin ahala, egindako urratsak aztertuko ditugu, norabidea zuzenduko dugu, oztopoak zehaztuko ditugu eta bidea prestatuko dugu zure helburua lortu arte. Laster egingo duzun esperientzia honetan laguntzea da nire lana eta bidean zuri buruz eta zure bizitzari buruz egiten zaren galderen erantzuna topatzea.

GOGOETA

Gogoeta coaching saioetan egiten da. Normalean astean behin egiten dira saio hauek eta ordubete inguru irauten dute. Hauetan, konfidantzazko gune bat sortzen da hausnarketarako eta bezeroarekin coaching-prozesu guztien oinarrizko printzipioak lantzen dira: kontzientzia, autokreentzia eta erantzukizuna.

EKINTZA

Coaching prozesuaren aste guztietan egingo da, saioen artean. Hausnarketak, ez du ezertarako balio, bezeroak ez badu praktikan jartzen saioetan hartutako kontzientzia, ekintzailetzarako duen gaitasuna eta bere gain hartutako erantzukizuna. Beraz, ondoriozta dezakegu coaching-a ekintzarako gogoeta bat dela.